Gjykatësi shqiptar në Strasburg

Qeveria ka përzgjedhur kandidatët për pozicionin e gjyqtarit të Shqipërisë në Gjykatën Evropiane të të Drejtave të Njeriut. Në fund të procesit dhe vlerësimit të aplikantëve, janë rekomanduar tre kandidatë: Darian Pavli, Marjana Semini dhe Sokol Berberi, të gjithë me eksperiencë të gjatë në sistemin e drejtësisë. Procesi i përzgjedhjes u zhvillua pasi u kryen disa seanca dëgjimore me kandidatët nga Komisioni i Posaçëm. Lista me tre emrat u dërgua për konsultim, mbi përshtatshmërinë e kandidatëve, pranë Komitetit të Ministrave të Këshillit të Evropës. I gjithë procesi u zhvillua për shkak të mbarimit të mandatit të gjyqtarit aktual të Shqipërisë në Gjykatën Evropiane të të Drejtave të Njeriut.