Kundërshtimet ndaj hartës së re territoriale të propozuar nga Partia Socialiste vijojnë, kësaj radhe në Bashkinë e Maliqit.
Këtë të enjte parashikohej që Këshilli Bashkiak të merrte një vendim për qëndrimin që do të mbahej lidhur me shkrirjen me Bashkinë e Korçës.
Por opozita në këshill reagoi që në fillim, duke thënë se mazhoranca po “tallet me qytetarët.”
Edhe anëtarët e Këshillit bashkiak të Partisë Socialiste janë shprehur se janë të paqartë me draftligjin ndërsa kërkuan kohë që të njihen me të.
Në këto kushte, këshilltarët socialistët vendosën të braktisin mledhjen ndërsa debatet vijuan kur këshilltarët e opozitës kërkuan vijimin e mbledhjes ndërsa një qytetar pjesëmarrës shtyu kryetarin e këshillit bashkiak të Maliqit pasi kërkonte që mbledhja të mos ndërpritej.
Por Maliqi nuk është bashkia e vetme që ka kundërshtuar hartën e re territoriale të propozuar nga PS. Prej 21 ditësh Divjaka vijon me protesta kundër bashkimit me Lushnjen ndërsa qytetarët e Patosit kundërshtojnë bashkimin me Fierin.
