Momente tensioni janë shënuar këtë të premte jashtë Gjykatës së Sarandës, ku po zhvillohet seanca për caktimin e masave të sigurisë për 11 personat e arrestuar në lidhje me vrasjen e turistir portugez 21-vjeçar, Luis Varela.
Në qendër të incidentit ishte një e afërme Sokrat Vatës, i dyshuari kryesor për vrasjen e të riut. Ajo është përplasur me gazetarët që po filmonin momentin e mbërritjes së të arrestuarve në gjykatë.
“Nuk ma ndjen fare. Do ndonjë dokument ta nxjerr?”, dëgjohet të thotë ajo me tone të larta.
Të 11 të arrestuarit janë shoqëruar në gjykatë nën masa të shumta sigurie, ndërsa jashtë ambienteve të saj kanë qenë familjarët e tyre, të cilët u kanë shprehur mbështetjen.
Në pamjet e siguruara jashtë gjykatës, një grua dëgjohet t’i drejtohet Vatës me fjalët: “Sokrat, jemi këtu o shpirt”.
View this post on Instagram
Ndërsa një tjetër person, një burrë, e thërret në gjuhën turke: “Sokrat, abi”, që në shqip do të thotë “Sokrat, vëlla”.
/vizionplus.tv
