Policia e Vlorës bëri të mundur arrestimin e një shtetasi që ishte në kërkim prej kohësh si I dënuar me 18 vite burg për akuzën e vrasjes.
Në pranga ra shtetasi me iniciale M. H, 46 vjeç, banues në fshatin Armen, Vlorë.
Këtë shtetas Gjykata e Shkallës së Parë Vlorë e ka dënuar me 18 vite burgim për veprën penale të Vrasjes.
Ai do të kryej pjesën e mbetur të dënimit prej 9 vite, 2 muaj e 26 ditë burg.
Ngjarja ka ndodhur më datë 04.06.2009, në fshatin Armen ku ky shtetas ka vrarë bashkëshorten e tij.
