Dalin në dritë edhe më shumë të dhëna mbi krimin e rëndë që ndodhi mbrëmjen e të dielës në Athinë ku u qëllua disa herë me plumba drejt një shtetasi shqiptar.
Ndonëse nuk është dhënë identiteti i plotë, mësohet se personi të cilit iu bë atentat dhe që më pas humbi jetën në spital është një shqiptar nga Tepelena.
Bëhet fjalë për një 39-vjeçar i quajtur Keli.
Ai ishte pronar i lokalit ku u vra, në një rrugë këmbësorësh në zonën e Agios Pavlos, në qendër të Athinës.
Referuar mediave greke, shtetasi shqiptar u qëllua nga një person i maskuar dhe me kapele, i veshur me xhup gri.
Autori iu afrua pronarit në këmbë të lokalit, shtetasit shqiptar, i cili ishte në ambientin e jashtëm të kafenesë.
Pasi qëlloi mbi 39-vjecarin, autori i krimit u largua me një makinë të bardhë “Toyota Yaris” që po e priste pak më tej.
Kjo gjë konfirmon faktin që atentati ka qenë i mirëorganizuar dhe me pjesëmarrjen e disa personave.
Keli, mësohet se është një emër i njohur për shqiptarët në Athinë, dhe sidomos për artistët shqiptare, të cilët shkonin në lokalin e tij për të kënduar.
Nga të dhënat e para, mësohet se për policine greke, 39-vjeçari shqiptari nuk ishte emër i panjohur, pasi kishte precedent të mëparshmëm penal.
Për momentin, nuk ka ende të arrestuar, përveçse janë pyetur dëshmitarë të ngjarjes.