Kryeministri Edi Rama ka bërë të ditur se do të shfuqizohet ligji për investimet strategjike, duke theksuar se ky ligj e ka përmbushur misionin e tij.
Por kryeministri theksoi se nuk do të ketë asnjë ndryshim të ligjit për zonat e mbrojtura, ligj për të cilin qytetarët kanë dalë në shesh për të protestuar për më shumë se 40 ditë.
“Na duhet të shfuqizojmë ligjin për investimet strategjike. Ky ligj e ka përmbushur misionion e vet. Po punojmë me komisionin për ligjin që do e zëvendësojmë. Për ligjin tjetër nuk kemi gjë për të ndryshuar. Na duhet ta trajtojmë ligjin brenda standardeve europinae. Shfuqizimi nënkupton anulim.ligji për zonat e mbrojtura është një nga më të mirat që kemi. Ligji i parë në vend për zonat e mbrojtura. Na duhet të trajtojmë pjesë specifike që duhet të jenë si ato të BE. Shfuqizim nuk është një fjalë që e marrin si fjalë për të qenë në përputhje. Është miratim me standardet europiane”, tha Rama.
