Protestat e qytetarëve, që nisën kundër ndërtimeve në Zvërnec, janë shtrirë prej ditësh në një sërë kërkesash kundër qeverisë.
Gazetari Armir Shkurti deklaroi se sot qytetarët po ndihen të nënshtruar dhe të vjedhur, por edhe të shantazhuar që të mos reagojnë.
“Unë jam pjesë e një zëmërate”, theksoi gazetari, teksa theksin e vendosi tek protesta, që sipas tij është një lëvizje totalisht e popullit.
“Kjo është një protestë popullore dhe populli nuk është një masë homogjene. Ka njerëz që fillojnë që nga një nivel i ulët popullor e deri te akademikët.
Goditja ndaj oligarkisë ishte një gjë për mua perfekte. Ne kemi në dorë votën që na e kanë vjedhur dhe këto biznese që vjedhin në emër të votës vazhdojnë e na sulmojnë. Ka njerëz që dalin me arrogancë dhe e kanë quajtur revolucion. Në një revolucion ka dhe koka të prera gabimisht. Në një revolucion, secili duhet të marrë anën e vet. Edhe ai biznesi i vogël që ul kokën se thotë më vijnë tatimorët, duhet ta ndjejë veten në presion, do të vijnë tatimorët apo ky popull do të braktisë. Unë jam pjesë e një zëmërate. Pulës kur i presin kokën thonë pse përpëlitet, po shumë mirë bën”, tha Shkurti.
/vizionplus.tv
