Deputetët socialistë, që kanë kundërshtuar referendumin e brendshëm partiak të pak javëve më parë, kanë kërkuar zyrtarisht hapjen e kutive të votimit. Pas mbledhjes së grupit parlamentar, deputetja Mimoza Hafizi, tha për mediat se ka depozituar në Komisionin Zgjedhor të partisë kërkesën për hapjen e kutive të votave të referendumit. Ajo tha se pret që në mbledhjen e Asamblesë Kombëtare, e cila do të mblidhet ditën e shtunë, të ketë një përgjigje mbi kërkesën. Hafizi bëri me dije se gjatë mbledhjes së grupit ka ngritur shqetësimin mbi zgjedhjet në universitete. Ajo tha se kërkoi garanci ligjore për procesin zgjedhor.