Brezi i ri po ndryshon mënyrën se si e sheh karrierën dhe tregun e punës. Një studim i ri mbi sjelljen profesionale të Gen Z tregon se të rinjtë nuk e konsiderojnë më pagën si faktorin e vetëm vendimtar kur zgjedhin një vend pune.
Sipas studimit të publikuar në revistën “Social Sciences & Humanities Open”, të rinjtë e këtij brezi i kushtojnë gjithnjë e më shumë rëndësi fleksibilitetit në punë, balancës mes jetës personale dhe karrierës, mundësive për zhvillim profesional dhe një ambienti pune ku ndihen të vlerësuar.
Studimi evidenton se modelet tradicionale të punës po sfidohen nga kërkesat e një brezi që kërkon më shumë autonomi dhe kuptim në atë që bën.
Për shumë të rinj, një punë ideale nuk lidhet vetëm me të ardhurat, por edhe me mirëqenien, kohën e lirë dhe mundësinë për të ruajtur një ekuilibër mes jetës private dhe asaj profesionale.
/vizionplus.tv
