Kryedemokrati Sali Berisha akuzoi kryeministrin Edi Rama se po zbraz Shqipërinë përmes reformës territoriale të propozuar nga PS. Plani i dëbimit tha Berisha ka filluar që në 2014 kur u miratua reforma e mëparshme e ndarjes administrative.
“Çfarë po ndodh? Po ndodh boshatisja e pamëshirë e Shqipërisë nga shqiptarët. Vetëm për këtë, gjenocid të butë, gjenocid të krijuar për kushtet e kalkuluara. U hoqi shërbimet, komunat, u hoqi investimet, hoqi mbështetjen për bujqësinë, përgjysmoi ndihmën ekonomike. Kurrë ky komb nuk ka humbur në 10 vite, siç ka humbur nga viti 2015 në vitin 2024, vetëm në hapësirën e Shengenit, sipas Eurostat, 1 milion e 99 mijë shqiptarë”, tha Berisha.
Lideri demokrat ftoi të vetët t’i bashkohen protestës së 1 gushtit.
“As temperaturat e larta, as kërcënimet, nuk mposhtën dot qëndresën në kushte të jashtëzakonshme të qytetarëve shqiptarë ndaj Ramës. Çdo orë, ditë që kalon, faktin se Rama nuk ka të ardhme. Por më shumë se kushdo tjetër këtë e fakton vetë Rama, i cili i mbyllur në bunkerin e tij ka zgjedhur që të mbajë fjalime”, u shpreh Berisha.
Në fund ai pati edhe një përgjigje për ish ministrin e shëndetësisë, Ilir Beqaj që u lirua nga qelia në 31 korrik për të shkuar në izolim shtëpiak.
“Së bashku me Edi Ramën jeni dy faqezinjtë me të mëdhenj të këtij vendi, as me atë korbën e covidit. Se nëse ka kryekrime jeni ju të tre .Them se pas një jave Edi Rama mund t’i japë atij dhe një certifikatë mirënjohje, siç bëri më Çyrbjan, apo dhe me Agasin”, tha Berisha.
Deklaratat Berisha i bëri në një bashkëbisedim me qytetarët.
/vizionplus.tv
