Çmimi i naftës në pikat e karburanteve në vend ka shënuar një tjetër rritje, duke arritur në rreth 214 lekë për litër, nga 206 lekë për litër që ishte më parë.
Rritja vjen në një kohë kur Bordi i Transparencës nuk është më funksional, pasi është shpërbërë, duke lënë përcaktimin e çmimeve në dorë të tregut.
Megjithatë, kjo rritje vjen në një kohë kur çmimi në bursë ka rënë me rreth 11% gjatë ditëve të fundit.
Aktualisht, nafta Brent tregtohet rreth nivelit të 88 dollarëve për fuçi, ndërsa në periudhën kur nafta në Shqipëri kushtonte 206 lekë për litër, çmimi i Brent ishte rreth 98 dollarë për fuçi.
/vizionplus.tv
