Aktori i njohur i humorit Sejfulla Myftari, i njohur për publikun si “Cekja”, është përfshirë në një aksident rrugor në aksin Gjirokastër–Tepelenë.
Ngjarja ka ndodhur në kthesën e fshatit Hormovë, ku automjeti tip “Ford”, me të cilin udhëtonte Cekja, është përplasur me një automjet tip “Mercedes-Benz”, që drejtohej nga Baba Sheh Hormova, klerik bektashian.
Sipas të dhënave paraprake, përplasja nuk ka qenë frontale, çka ka shmangur pasoja më të rënda. Si pasojë e aksidentit janë shkaktuar vetëm dëme materiale në të dy automjetet, ndërsa asnjëri prej drejtuesve nuk ka pësuar lëndime.
Në vendngjarje kanë mbërritur efektivët e Policisë Rrugore të Gjirokastrës, të cilët po kryejnë veprimet hetimore për të zbardhur shkaqet dhe rrethanat e aksidentit.
/vizionplus.tv
