Komisariati i Policisë në Vlorë ka arrestuar një 30-vjeçar i cili u kap me armë zjarri dhe disa doza kokainë dhe kanabis.
I prangosuri Ergys Omeri është anëtar i grupit kriminal të Inez Hajrullës.
Madje në momentin e arrestimit ai ka qënë në parkimin e lokalit në pronësi të familjarëve të Hajrullës. Omeri nuk figuron me precedent të mëparshëm kriminal.
Ndërkohë arma e zjarrit është dërguar në laborator për të parë nëse është përdorur më herët në krime të rënda apo jo.
“Në Vlorë, në kuadër të operacionit policor të koduar “Siguria”, u arrestua në flagrancë shtetasi E. O., 30 vjeç, banues në Vlorë. Ai u kap në parkingun e një lokali në zonën e Lungomares, ku gjatë kontrollit fizik në çantën e tij u gjetën dhe u sekuestruan një armë zjarri pistoletë me 6 fishekë, 2.18 gramë lëndë e dyshuar narkotike kokainë dhe 4.46 gramë lëndë e dyshuar narkotike cannabis sativa”, njofton policia.
/vizionplus.tv
