Një vatër zjarri ka rënë mesditën e kësaj të shtune në fshatin Drenovë të Mallakastrës, duke përfshirë një sipërfaqe me ullishte.
Sipas informacioneve paraprake, flakët janë përhapur me shpejtësi, të favorizuara nga temperaturat e larta.
Shërbimet zjarrfikëse të Mallakastrës ndodhen në vendngjarje dhe po punojnë për izolimin dhe shuarjen e zjarrit. Në ndihmë të tyre janë nisur edhe mjete zjarrfikëse nga Fieri, Roskoveci dhe Albpetroli, me qëllim vënien sa më shpejt të flakëve nën kontroll.
Deri më tani nuk raportohet për banesa të rrezikuara apo persona të lënduar, ndërsa operacioni për shuarjen e zjarrit vijon.
/vizionplus.tv
