Drejtori i Departamentit për Sigurinë Publike, në Policinë e Shtetit, Gjovalin Loka deklaroi se brenda kësaj jave janë arrestaur 54 persona të identifikuar me precedent kiriminalë apo si prishës së rendit.
Në një deklaratë për mediat, drejtori i sigurisë publike, Gjovalin Loka teksa pasyroi punën e policisë gajtë javës që lamë pas u shpreh se konkretisht janë arrestuar:
– 12 persona të arrestuar, me precedentë penalë;
– 19 persona të shpallur në kërkim kombëtar apo ndërkombëtar;
– 18 të arrestuar, si prishës të rendit.
– 5 të arrestuar për akuzën e “armëmbajtjes pa leje”
Ndër provat e sekuestruara gjatë kontrolleve të ushtruara gjatë javës që lamë pas në akset rrugore, banesa, lokale janë sekuestruar:
– 8 armë zjarri;
– rreth 3.6 kg Kokainë e Heroinë;
– rreth 110 kg Cannabis.
Gjatë veprimit të Forcës së Ligjit në Territor në kuadrin e operacionit policor “Ndëshkimi i të fortëve” nga strukturat vendore të Policisë, që prej datës 20 Shtator kur kanë nisur kontrollet, në total janë arrestuar rreth 390 persona në kontrollet proaktive në territor:
Ndër provat e sekuestruara gjatë kontrolleve të ushtruara ndaj tyre në akset rrugore, banesa, lokale etj., janë sekuestruar 57 armë zjarri të llojeve të ndryshme, mina me telekomandë, tritol e municion luftarak.
