Dezerton ushtari koreanoverior

Një tjetër ushtar i Koresë së Veriut, i cili ka kaluar në zonën e ndaluar mes dy Koreve, ka rritur tensionet në kufi.  Sipas mediave, ushtari i Koresë së Veriut, vetëm 19 vjeç,  kishte dalë në mjegullën e dendur në një pikë kontrolli, dhe më pas ka dezertuar. Lëvizjet e tij u kapën në pajisjet e mbikëqyrjes, dhe mendohet se ushtarët e Koresë së Veriut kanë gjuajtur rreth 20 plumba paralajmërues brenda kufirit të tyre, por që nuk kanë prekur te riun. Ky është ushtari i 4 i cili largohet nga vendi komunist brenda këtij viti. Incidenti vjen vetëm pak javë pas një prej arratisjeve më dramatike, ku një ushtar u qëllua teksa po arratisej në anën jugore të zonës së përbashkët të sigurisë mes dy koreve.