Analisti Endri Tafani ka hedhur dyshime mbi mundësinë e një ndryshimi të thellë të sistemit zgjedhor, duke deklaruar se Partia Socialiste dhe Partia Demokratike kanë rënë dakord për një axhendë të përbashkët.
I ftuar në emisionin QUO VADIS në Vizion Plus, Tafani u shpreh se ndryshimet që mund të bëhen në sistem do të jenë të kufizuara dhe, sipas tij, nuk prekin thelbin e mënyrës së organizimit të zgjedhjeve.
Pjesë nga biseda:
Borakaj: Mendojn që në këtë klimë do ketë një ndryshim në sistemin zgjedhor?
Tafani: Jo, nuk mendoj, sepse janë po të njëjtët njerëz. Ata kanë rënë dakord për një axhendë.
Borakaj: Po aty përfshihet dhe te pjesa e sistemit zgjedhor?
Tafani: Po pra, sistemi zgjedhor që kanë rënë dakord. Ata axhenda, jo me axhenda midis PS-së dhe PD-së… PS-ja dhe PD-ja kanë rënë dakord bashkë për një axhendë të caktuar dhe ka për të ndryshuar ato pak elementë të cilët janë financimi i partive ose ndonjë gjë tjetër që janë ndryshime të vogla që mund të jenë aty, të cilat do shkojnë në favor të të dyjave. E keni dëgjuar ndonjëherë PD-në, për shembull, të thotë: “unë dua të rikthehem tek një sistem zgjedhor i cili të ketë, po themi, të jetë si i dikurshmi mazhoritar me korrigjim proporcional”? Një deklaratë të vetme publike? Jo. Po një deklaratë të vetme publike që “unë jam për një sistem i cili të jetë 100% proporcional kombëtar”? Pra ajo deklaratë publike nuk është kot. Ajo është qëndrimi jot politik dhe çfarë qëndrimi politik ti do mbash në atë komision.
/vizionplus.tv
