Analisti Endri Tafani ishte i ftuar këtë të martë në studion e QUO VADIS në Vizion Plus.
Gjatë intervistës me moderatoren Pranvera Borakaj, ai ka ngritur shqetësime mbi mungesën e konfiskimit të pasurive të përfituara nga veprimtaritë kriminale.
Ai theksoi se mungesa e konfiskimeve krijon pikëpyetje mbi efektivitetin e luftës kundër korrupsionit dhe pastrimit të parave.
Pjesë nga biseda:
Tafani: Pastaj të kthehesh tek fakti që dënimet apo rezultatet, pra fakti që konfiskimet mungojnë. Për shembull kemi pasur pretencën e prokurorit për çështjen Meta para dy ditësh në të cilën u dënuan me shtatë vjet për pastrim parash, pastaj vjen që liri, shërbim prove. Okej, po paratë ku janë? Pra kur vjen çështja te praktika, ti thua prit njëherë, çfarë dënove njëherë sepse kaluan që të gjithë me shërbim prove.
Borakaj: Por gjithsesi besoj se inceneratori i Tiranës është kulmi
Tafani: Po t’i themi, kapim këtë që ishte rasti më i fundit. Pra në këtë kuadër ti thua prit se ku janë, e para njëherë ku janë paratë sepse ke pastruar paratë Ku janë paratë? Pse shteti jonë nuk ka pasur mundësi që t’i marrë këto para që janë pastruar, pra si nuk janë konfiskuar? Dhe e dyta e punës duket paksa qesharake, pavarësisht se mund të jetë brenda ligjit që të bësh pastrim parash dhe të dënohesh me dy vjet ose tre vjet shërbim prove. Po atëherë hajde fillojmë që të gjithë të pastrojmë paratë për mafien edhe dënohemi me kondicional, me kusht. Domethënë qëndrojmë në shtëpi ndërkohë që kemi pastruar me milionë apo me dhjetëra milionë.
/vizionplus.tv
