Pas incidentit të regjistruar në ambientet IKMT, ka reaguar zyrtarisht Inspektorati i Përgjithshëm, duke bërë me dije se janë marrë menjëherë masa administrative dhe ligjore ndaj personave të përfshirë.
Në deklaratën për shtyp thuhet se, sapo është marrë njoftimi zyrtar nga IKMT, strukturat përgjegjëse kanë nisur verifikimin e plotë dhe dokumentimin e ngjarjes.
Lexo edhe :
Personat e përfshirë janë pezulluar nga detyra deri në përfundim të hetimit administrativ dhe penal.
Deklarata për shtyp:
Asnjë incident nuk do të kalojë pa përgjegjësi. Pas ngjarjes së ndodhur, Inspektorati i Përgjithshëm ka marrë menjëherë masat administrative dhe ligjore ndaj personave të përfshirë.
Menjëherë pas marrjes së njoftimit zyrtar nga IKMT, strukturat përgjegjëse të Inspektoratit të Përgjithshëm kanë nisur verifikimin e plotë dhe dokumentimin e ngjarjes. Personat e përfshirë janë pezulluar nga detyra deri në përfundimin e hetimit administrativ dhe penal. Paralelisht, janë vënë në lëvizje të gjitha mekanizmat disiplinorë të parashikuar nga legjislacioni në fuqi.
Inspektorati i Përgjithshëm nuk toleron asnjë formë dhune, sjelljeje të papërshtatshme apo cenim të integritetit institucional. Administrata publike duhet të jetë model korrektësie, profesionalizmi dhe përgjegjshmërie.
Integriteti i institucionit dhe besimi i qytetarëve janë prioritet absolut.
Inspektorati i Përgjithshëm do të vijojë të informojë publikun dhe mediat mbi ecurinë e procedurave.
/vizionplus.tv
