Një automjeti tip ‘Audi’, i është vendosur lëndë plasëse, e cila ka shpërthyer duke e dëmtuar pjesërisht atë.
Ngjarja ndodhi rreth orës 21 e 40 min të mbrëmjes së sotme në sheshparkimin e një lavazhi në lagjen “Minatori” të qytetit të Bulqizës.
Si pasojë e shpërthimit nuk ka persona të lënduar. Automjeti është në përdorim nga shtetasi T.T, banues në Bulqizë.
Grupi hetimor ndodhet në vendin e ngjarjes dhe po heton për zbardhjen dhe dokumentimin e plotë të rrethanave të ngjarjes, identifikimin dhe kapjen e autorit.