Dita e pestë e protestave dhe një grevë e përgjithshme, për shkak të burgosjes së udhëheqësve katalanas, solllen perleshje te dhunshme ne Barcelone.
Policia tha se mbi gjysmë milioni njerëz u mblodhen te premten, duke bllokuar rrugë dhe trena.
U raportua për disa përleshje midis demonstruesve të maskuar dhe policisë.
Më 14 tetor, Gjykata Supreme e Spanjës ka dënuar nëntë udhëheqës katalanas me dënime të gjata me burgim, për shkak të rolit të tyre në përpjekjet për ndarjen e Katalonjës nga Spanja, në vitin 2017.
Tre të pandeuhur të tjerë janë shpallur fajtorë për mosbindje dhe janë gjobitur.
Të 12 politikanët dhe aktivistët i kanë mohuar akuzat.
Vendimi i Gjykatës Supreme ka shkaktuar disa nga protestat më të mëdha që ka parë Spanja në disa dekada.
Së paku 96 njerëz janë plagosur në përleshjet e ditëve të kaluara midis policisë dhe protestuesve.
Ekipet e futbollit Barcelona dhe Real Madridi e kanë shtyrë ndeshjen që është dashur të luhet më 26 tetor.
