“Burrecë të vegjël”, Noka i përgjigjet Bashës: Burrnisë i vjen turp kur përmendet nga ti

Deputeti Flamur Noka ka reaguar pas deklaratës së Lulzim Bashës në lidhje me debatet e zhvilluara sot në Komisionin e medias.

“Turp për këta burrecë të vegjël që mendojnë se duke sulmuar zonjat me dhunë verbale, tregojnë forcë. Kjo vetëm provon se sa të dobët janë”, ishte reagimi i Bashës.

Lexo edhe :

Related Posts

Basha: Bardhi dhe Noka janë burrecë, tregojnë forcën me gratë! Janë të dobët

PD reagon pas përplasjes së Bardhit dhe Nokës me Açkën: Hallet personale mos i zgjidhni në kurriz të grave demokrate

VIDEO/ Bardhi dhe Noka përplasen me Açkën në komision, i hedhin mikrofonin në tokë: Turp, po i shërben Ramës

Ndërkohë Noka me një postim në rrjetet sociale ka shkruar: “ Burrnisë i vjen turp kur përmendet nga Luli…”.

Tensionet në Komisionin e Medias u dënuan edhe nga kryeparlamentarja Lindita Nikolla, e cila në një postim në rrjetin social shkruan se dy deputetët Flamur Noka dhe Gazment Bardhi, ushtruan dhunë ndaj një gruaje. Më tej ajo thekson se ky sulm i paprecedentë ndaj një zonje deputete të Kuvendit të Shqipërisë, është shumë më tepër se shkelje e Rregullores së Kuvendit dhe e etikës së sjelljes së deputetit.

“Dënoj ashpërsisht ngjarjen shumë të rëndë që ndodhi sot në Komisionin e Medias të Kuvendit të Shqipërisë. Deputetët Gazment Bardhi dhe Flamur Noka, jo vetëm penguan me dhunë zhvillimin e mbledhjes së Komisionit, por fyen rëndë Kryetaren e Komisionit, deputeten e nderuar Flutura Açka.

Ky sulm i paprecendent ndaj një zonje deputete të Kuvendit të Shqipërisë, është shumë më tepër se shkelje e Rregullores së Kuvendit dhe e etikës së sjelljes së deputetit”, shkruan Nikolla.