Një 37-vjeçar është arrestuar nga Policia e Durrësit, pasi grabiti me forcë xhiron ditore në një dyqan të një kompanie celulare.
Sipas policisë, ngjarja ndodhi rreth orës 15:15, në lagjen nr. 16 të Durrësit, ku shtetasi me iniciale G. R. dyshohet se hyri në dyqan dhe mori me forcë rreth 100 mijë lekë të rinj. Pas grabitjes, ai u largua menjëherë nga vendi i ngjarjes.
Menjëherë pas njoftimit, shërbimet e Forcës së Posaçme Operacionale “Shqiponja”, në bashkëpunim me Komisariatin e Policisë Durrës, organizuan operacionin për kapjen e autorit të dyshuar.
Falë reagimit të shpejtë të policisë, 37-vjeçari u lokalizua dhe u arrestua në lagjen nr. 6 të qytetit.
Grupi hetimor, nën drejtimin e Prokurorisë, po vijon veprimet për zbardhjen dhe dokumentimin e plotë të ngjarjes, ndërsa materialet procedurale i janë referuar organit të akuzës për veprime të mëtejshme
