Qindra qytetarë u mblodhën edhe këtë të premte në sheshin “Skënderbej” në Tiranë, në ditën e 48-të të protestës së tyre, përpara se të nisnin marshimin drejt Kryeministrisë.
Pjesëmarrësit vijuan thirrjet për dorëheqjen e qeverisë dhe largimin e klasës së vjetër politike, duke deklaruar se protesta do të vazhdojë edhe gjatë muajit gusht, deri në realizimin e kërkesave të tyre.
Gjatë tubimit nuk munguan parullat dhe mesazhet e protestuesve, mes të cilave: “48 ditë, llogaridhënia nuk ka afat”, “Një qëllim, Shqipëria e re”, “Stop Rama” dhe “Sa më shumë heshtje, aq më shumë qëndresë”.
Gjatë marshimit drejt selisë së qeverisë, qytetarët bënë thirrje për një ndryshim të madh politik në vend.
Protestuesit theksuan se do të vijojnë aksionin e tyre qytetar, duke kërkuar përgjegjësi dhe ndryshim në qeverisjen e vendit.
