Sekretari i Përgjithshëm i Partisë Komuniste të Kinës, Xi Jinping, kryeson listën e njerëzve më të fuqishëm të botës, duke lënë pas presidentin rus Vladimir Putin i cili udhëhiqte këtë listë për 4 vite rresht.
Lista e këtij viti ve ne dukje konsolidimin e pushtetit në duart e një elite të vogël. Xi Jinping, ndryshoi kushtetutën në muajin mars duke zgjeruar ndikimin e tij në vend, e para lëvizje kjo që nga koha e kryetarit Mao Ce Dun.
Ngritja e Xi-së si personi më i fuqishëm në botë, ka lënë presidentin rus Putin në vendin e dytë. Këtë vit ai siguroi mandatin e 4 presidencial, ndërsa është në qeverisë ruse që nga maji i vitit 2000.
Në vendin e tretë renditet Donald Trump. Edhe pse është nën hetim nga agjenci të shumta ligjzbatuese, ai është në krye të shtetit më të fuqishëm, me ekonominë dhe ushtrinë më të zhvilluar.
Ndërsa kancelaria gjermane Angela Merkel, gruaja e parë më e fuqishme në botë mban vendin e katërt në renditjen e Forbes.
“Udhëheqësja de fakto e Europës” shkruan prestigjiozja, fitoi zgjedhjet mes një gare të ashpër në 2017-tën, dhe krijoi një koalicion të madh me partnerët politikë. Por ajo duhet të mbajë timonin e BE-së dhe të përballet me stuhitë e ardhshme nga Brexit dhe rritja e ndjenjës anti-emigrante në Europë.
17 emra të rinj i janë shtuar listës, përfshirë princin e kurorës Mohammed Bin Salman Al Saud, i cili ka marrë nën kontroll vendin pas fushatës antikorrupsion duke arrestuar mbi 100 princër dhe politikanë.
Revista prestigjioze amerikane Forbes, në renditjen vjetore të njeriut më të fuqishëm të botës shkruan se “Ka rreth 7.5 miliardë njerëz në planetin Tokë, por vetëm 75 burra dhe gra e bëjnë botën ‘të lëvizë’”.
