Zjarri i përmasave të mëdha ka përfshirë një pjesë të masivit pyjor të Malit të Polisit, në Njësinë Administrative Polis, në bashkinë e Librazhdit.
Sipas banorëve të zonës, situata paraqitet alarmante, ndërsa flakët kanë përfshirë disa hektarë sipërfaqe pyjore.
Shefi i Stacionit të Zjarrfikëses në Librazhd, Mitat Gjura në një prononcim për Vizion Plus, ka bërë thirrje që zjarrfikësit që po përballen me flakët të pajisen me mjete mbrojtëse.
“Mbi pesë orë përpjekje për parandalimin e zjarrit. E mbajtëm nën kontroll, tani na mbetet detyrë ta monitorojmë deri në darkë. Ju lutem,i bëjë thirrje të paraqitet pranë Drejtorisë së Financave, kryetari i bashkisë, të gjithë këta heronj që janë në luftë me zjarrin dhe kanë pesë orë që thithin tym dhe flakë, të pajisen me filtra dhe kundërfiltra për zjarrin”, tha Shefi i Stacionit të Zjarrfikëses në Librazhd, Mitat Gjura për Vizion Plus.
/vizionplus.tv
