Gjykata Administrative rrëzoi padinë e Erion Veliajt, ndaj prokurorit që e ka hetuar, Ols Dado.
“Veliaj ka interes të tërthortë jo të drejtëperdrejtë. Gjykata vendosi mospranimim për shqyrtim të padisë”, tha gjykatësi Hazbi Balliu.
Vendimin e datës 24 korrik, avokati Plarent Ndreca paralajmëroi se do ta dërgojë në apelin administrativ.
“E pritshme. Ishte test për sistemin sesa ka aftësinë për të vetëkorrigjuar problematikat që ka. Dado nuk është emëruar në mënyrë të ligjshme. Ai nuk ka thënë që jam prokuror i emëruar në mënyrë të ligjshme. Sistemi nuk e tregoi aftësinë për t’u vetëkorrigjuar. Nuk ka problem më të rëndë sesa emërimi i një prokurori që ushtron funksionin në mënyrë të paligjshme. Është një e vërtetë që do e ndjekim deri në fund. Kjo lidhet me sistemin e drejtësisë dhe aftësinë e tij që të tregojë vetveten. U tregua korporatizmi gjyqësor”, tha Ndreca.
Kryetari i Bashkisë së Tiranës, Erion Veliaj goditi në gjykatën administrative vendimin e presidentit për emërimin në sistemin gjyqësor të Ols Dados.
Sipas padisë, emërimi është kryer në kundërshtim flagrant me ligjin, pasi Dado nuk kishte kryer Shkollën e Magjistraturës./vizionplus.tv
