U kap me qindra doza kokainë dhe kanabis, arrestohet i mituri në Tiranë

Një tjetër operacion është finalizuar nga policia e Tiranës ku janë sekuestruar më shumë se 300 doza kokainë dhe kanabis.

Në pranga në flagrancë është kapur një i mitur 16-vjeçar. I mituri akuzohet për prodhim dhe shitje narkotikësh.

Gjatë kontrollit fizik ndaj 16-vjeçarit, blutë i gjetën atij dozat e drogës, ndërkohë që i sekuestruan shuma parash dhe dy celularë.

I mituri pritet të merret në pyetje nga hetuesit për të zbardhur identitetin e personave të tjerë të përfshirë shitjen e kokainës të cilët janë furnizuesit dhe kanë përdorur të miturit për të shpërndarë dozat e lëndëve narkotike.