Ende pa kaluar 24 ore pas sulmit terrorist qe përgjaku zemrën e Stambollit, policia turke ka arrestuar dhjetëra persona, të dyshuar se kanë lidhje me militantët e ISIS.
Tre prej tyre, te cilët janë te dyshuarit kryesore, janë shtetas rus. Ata u ndaluan ne qytetet e Izmirit dhe Antalias dhe besohet se kanë dhënë mbështetje logjistike per xhihadistet. Arrestimet e tyre pasojnë ndalimin e 60 mbështetësve dhe simpatizantëve të militanteve islamik ne te gjithë vendin ditën e marte. Mbetet e paqarte, nese tre shtetasit rus te arrestuar ne Antalia kane pasur nje rol ne përgatitjen e sulmit. Konsullata ruse ne kete qytet e konfirmoi lajmin e ndalimit te tyre, por njoftoi se motivet e arrestimit po sqarohen. 6 prej te ndaluarve besohet te kene rekrutuar militante per te luftuar per Shtetin Islamik. Ndërkaq, mediat turke publikuan foton e pare te kamikazit qe shpërtheu veten mes turisteve, duke shkaktuar vdekjen e 10 personave dhe plagosjen e 15 te tjerëve, shumica shtetas gjermane. Ai është 28-vjeçari Nabil Fadli i lindur ne Arabinë Saudite, qe kishte mbërritur ne Turqi nga Siria ne 5 janar dhe kishte kërkuar azil. Identiteti i Fadlit u zbulua pasi hetuesit gjeten nje nga gishtat e prere ne vendin e ngjarjes. Tashme policia është vene ne ndjekje te bashkëpunëtoreve te mundshëm te tij, pasi Fadli ishte paraqitur ne qendrën e emigracionit me 4 persona te tjere. Pavarësisht sulmit terrorist, Ministri i Brendshëm gjerman Thomas De Maiziere, qe vizitoi Stambollin, deklaroi se nuk ka informacione qe turistet gjermane te kene qene objektiv i tij dhe se nuk ka arsye qe te ndalen udhëtimet drejt Turqisë. Shërbimet Sekrete Turke kishin njoftuar per rrezikun e sulmeve terroriste, ne shënjestër te te cilëve do te ishin te huajt. Alarmi ishte dhënë ne datat 17 dhjetor dhe 4 janar. Xhihadistet e mbërritur nga Siria, do te godisnin ne zonat e populluara nga turiste, apo ne ndërtesat e përfaqësive diplomatike te vendeve te NATO-s te përfshira ne luftën kundër ISIS.
Dhjetëra të arrestuar në Turqi
