Ilaçi anti-artrit jep efekte pozitive në Napoli, gati trajtimi i 250 pacientëve

Pritet ende dhënia e ok-it nga Agjencia Italiane e Barnave për eksperimentimin që duhet të bëhet tek 250 paciente me koronavirus në Lombardi në lidhje me trajtimin e tyre me Tolicizumab, ilacin anti-artrit që mesa duket në disa raste kur është përdorur ka dhënë efekte positive.

Autoritetet italiane presin ende të edhe pak ditë që të njihen me ecurine e 11 pacienteve me koronavirus që po trajtohen në spitalin Cotugno të Napolit.

Drejtues të këtij spitali kanë deklaruar për mediat italiane se ilaci anti-artrit ka dhënë efekt pozitiv tek 9 nga 11 paciente ku është përdorur. Këta 9 paciente kanë përmirësim të dukshëm të gjëndjes së tyre shendetesore. Të 11 pacientet tek të cilët është bërë trajtimi kanë qënë në terapi intensive dhe të trajtuar me oksigjen për shkak të problemeve të rënda pulmonare.

Optimizmi tek specialistet e fushës është I madh dhe Tolicizumab mund të përdoret tek 250 paciente fillimisht në Modena, ndonëse pritet po-ja përfundimtare nga Agjencia Italiane e Barnave.