Kryetari i PD, Lulzim Basha, teksa udhëtonte me makinë drejt Durrësit, ju përgjigj pyetjeve të qytetarëve.
Teksa njëri e pyeti për rindërtimin pas tërmetit, Basha deklaroi se ky proces është dëshmi e dështimit të kryeministrit Edi Rama.
Ai mohoi që rindërtimi të ndalet nëse PS humb zgjedhjet dhe shtoi se për këtë çështje PD ka ngritur një ekip me ekspertët më të mirë.
“Rama ka shkelur të gjithë premtimet. Ai rindërtimin e ka parë tek dy gjëra, vjedhje dhe propagandë. Ajo ka qenë një mundësi më shumë për të grabitur para dhe e përdorur politikisht. Plani ynë për rindërtimin, të paktën do të kishte përfunduar në zonat rurale. Rama nuk i bëri. Në qytetin e Durrësit janë bërë përpjekje për të grabitur troje. Rindërtimi nga ngecur në vend dhe është një dëshmi e shndërrimit total të Edi Ramës. Ne kemi një ekip të veçantë për ta bërë këtë, nga ekspertët më të mirë.”
