Administrata e presidentit amerikan Donald Trump synon që vendet e G20-ës të bien dakord javën e ardhshme për masa që nxisin rritjen ekonomike, reduktojnë pabarazitë globale dhe trajtojnë sfidat e borxhit shtetëror. Në të njëjtën kohë, Uashingtoni pritet të kërkojë mbështetje për forcimin e presionit ekonomik ndaj Iranit.
Ministri amerikan i Financave, Scott Bessent, do të presë të hënën dhe të martën ministrat e Financave dhe drejtuesit e bankave qendrore të vendeve të G20-ës në Asheville, Karolina e Veriut. Takimi zhvillohet pasi SHBA-ja nuk mori pjesë në samitin e vitit të kaluar, të mbajtur nën presidencën e Afrikës së Jugut.
Një nga çështjet kryesore në agjendën amerikane do të jetë edhe izolimi ekonomik i Iranit. Administrata Trump po u kërkon vendeve dhe kompanive të ndërpresin lidhjet financiare me Teheranin dhe ka paralajmëruar mundësinë e sanksioneve dytësore ndaj atyre që vazhdojnë marrëdhëniet ekonomike me Iranin.
Takimi i G20-ës pritet gjithashtu të fokusohet te rritja ekonomike globale, pabarazitë tregtare, borxhi sovran dhe forcimi i zinxhirëve të furnizimit.
/vizionplus.tv
