Një aksident tragjik ndodhi mbrëmjen e kësaj të enjteje në aksin Blinisht-Fishtë në Lezhë, ku një 13-vjeçar u përplas për vdekje nga një makinë.
Bëhet me dije se i mituri i cili lëvizte me monopatinë është përplasur nga një makinë e drejtuar nga shoferi me inicialet E.K.
33-vjeçari është shoqëruar në ambinetet e policisë për kryerjen e veprimeve të mëtejshme procedurale.
Njoftimi:
Rreth orës 20:10, në aksin e vjetër rrugor Blinisht–Fishtë, në fshatin Fishtë, automjeti me drejtues shtetasin E. K., rreth 33 vjeç, ka aksidentuar një të mitur, rreth 13 vjeç, i cili lëvizte me monopatinë. Si pasojë e përplasjes, i mituri ka ndërruar jetë.
Shtetasi E. K. është shoqëruar në Komisariat për kryerjen e veprimeve të mëtejshme procedurale.
Grupi hetimor ndodhet në vendngjarje dhe po punon për dokumentimin e plotë të ngjarjes dhe zbardhjen e rrethanave të aksidentit.
