Koreja e Veriut ka qenë vazhdimisht në vëmendjen botërore, me deklaratat e ashpra për shpallje lufte kundër SHBA-se dhe aleatëve të saj.
Një ditë më parë, vendi komunist u vu ne fokus për shkak të dezertimit të një ushtari, i cili arriti te kaloje kufirin me Korenë e Jugut, gjysmë i gjallë, pasi shokët e qëlluan me më shumë se 40 plumba, duke i shkaktuar 5 plagë të rënda.
Ushtari u gjet pa ndjenja nga trupat e mbrojtjes së Koresë së Jugut. Ai u shtrua në spital ku ndodhet ende nën kujdesin e mjekëve.
Por, ajo që ka shokuar mjekët koreanojugorë, është se në trupin e ushtarit, janë gjetur krimba parazitarë ne një gjatësi të pazakonte.
Përveç kësaj, ushtari vuante nga një infeksion kronik i mëlçisë, gjë e cila ka shtuar dyshimet për gjendjen shëndetësore të miliona njerëzve brenda shtetit të fshehtë, i cili shfaq vazhdimisht për fuqinë dhe madhështinë e tij.
Mjekët u shokuan kur zbuluan brenda trupit të ushtarit një numër të madh krimbash parazitare që zakonisht gjendet tek qentë, disa prej të cilëve arrinin një gjatësi prej 27 centimetrash.
“Në 20 vitet e mia si kirurg, unë kam parë vetëm diçka të tillë në një libër mjekësor”, tha mjeku kirurg, gjatë një deklarate për mediat, duke shtuar se ushtari ishte mbartës i hepatitit B, një faktor serioz rreziku për kancerin e mëlçisë, i cili përhapet përmes gjilpërave të pasterilizuara, ose nga aktiviteti seksual.
Mendohet se të paktën gjysma e popullsisë mund të ketë parazitë të tillë, të cilët krijohen nga kushtet e këqija të jetesës dhe kequshqyerjes, apo urisë.
Kjo shton dyshimet se vendi, i cili vazhdon prodhimin e armëve bërthamore, në të vërtetë është shumë më ndryshe nga ajo qe diktatori i Phenianit, Kim Jong Un, përpiqet t’i shfaqë botës.
