Nënkryetari i LSI, Petrit Vasili ka akuzuar kryeministrin Edi Rama se po rrëmben lekët e shqiptarëve dhe po I zhyt ata në varfëri.
Në një postim në “Facebook”, Vasili teksa citon filozofin Voltaire, shprehet se qeveria po prodhon shkatërrim ekonomik dhe hajdutëri pa kufi.
Sipas Vasilit, Shqipëria ka prekur fundin në ekonomi dhe ndodhet në prag të shkatërrimit.
“Arti i qeverisjes konsiston ne mbledhjen e aq parave nga nje klase sa te mund te kenaqe me to klasen tjeter” keshtu thote Voltaire nje nga Filozofet me te medhenj. Kurse shkollepaku qe qeveris ne Shqiperi rremben leket e shqiptareve dhe kenaq me to veten dhe oligarket. Prandaj shqiptaret jane ne mjerim dhe te zemeruar sepse parate e tyre rrembehen dhe mijra te varfer shtohen cdo vit. Kur shkollepakesia dhe babezia behen bashke prodhohet vetem shkaterrim ekonomik dhe hajduteri pa kufi. Shqiperia e ka prekur fundin ne ekonomi dhe nje gjysem hapi me tej eshte gremina dhe shkretimi i vendit. Kriza duhet ndalur sot,neser kriza do te jete pa kthim.”
