Organizata Ndërkombëtare Detare e Kombeve të Bashkuara (IMO) do të nisë evakuimin e më shumë se 11.000 detarëve që janë bllokuar në Gjirin Persik që nga fillimi i luftës.
“Pas muajve të vështirësive dhe stresit për mijëra detarë të pafajshëm, si dhe ndikimit negativ për të gjithë botën, mirëpres me kënaqësi të thellë marrëveshjen e paqes të arritur mes Shteteve të Bashkuara dhe Iranit, që shënon një hap vendimtar drejt rivendosjes së sigurisë detare dhe dhënies fund sulmeve të papranueshme ndaj anijeve civile.
Kjo operacion në shkallë të gjerë do të kryhet në bashkëpunim të ngushtë me Iranin, Omanin, të gjitha shtetet e tjera bregdetare të rajonit, Shtetet e Bashkuara dhe industrinë detare. Kemi siguruar garancitë e nevojshme të sigurisë dhe kemi verifikuar plotësisht kushtet për lundrim të sigurt për të mbështetur këto operacione”, tha në një deklaratë shefi i IMO-së, Arsenio Dominguez.
Ky evakuim i madh pritet të lehtësojë situatën e rëndë për detarët e bllokuar prej muajsh dhe të kontribuojë në normalizimin e trafikut detar në një nga zonat më të rëndësishme të transportit ndërkombëtar.
