Dy persona u arrestuan dhe një tjetër u shpall në kërkim nga policia e Lezhes pasi tentuan të trafikonin 52 kg kanabis.
Operacioni u zhvillua në afërsi të një karburanti në fshatin Tresh, në Lezhë pas informacioneve të siguruara në rrugë operative se në një automjet tip Benz po transportohej lëndë narkotike.
Gjatë kontrollit uniformat blu konstatuan se lënda narkotike ishte vendosur në pjesën e pasme të automjetit. Ndërkohë nga veprimet hetimore rezultoi se mjeti tip benz ku ishte vendosur lënda narkotike paraprihej nga një mjet tjetër, me qëllim vënien në dijeni në rast konstatimi të punonjësve të Policisë.
