Shfrytëzimi i fëmijëve për lypje vijon të mbetet një shqetësim në Shkodër, ndaj institucionet vendore kanë intensifikuar kontrollet në terren. Prej disa javësh, një task-forcë e përbërë nga Policia Bashkiake, Shërbimi Social dhe Policia e Shtetit po monitoron zonat ku ky fenomen është evidentuar më shpesh, me synimin për të identifikuar rastet dhe për të ndërhyrë në mbrojtje të fëmijëve.
Sipas drejtoreshës së Shërbimit Social në Bashkinë Shkodër, Edita Shoshi, ndërhyrjet e deritanishme kanë dhënë rezultatet e para.
“Bashkia Shkodër është një ndër bashkitë e cila ka prurjen më të madhe të familjeve apo të personave nga komuniteti rom të cilët vijnë në qytetin tonë vetëm për të ushtruar aktivitetin e lypjes. Kjo na vë përpara disa sfidave shumë të mëdha. Është krijuar një task-forcë midis policisë bashkiake, policisë së rendit dhe punonjësve të shërbimit social, të cilët çdo darkë janë në terren në patrullim për të kuptuar dhe për të evituar rastet e shfrytëzimit të fëmijëve drejtoreshë e Shërbimit Social, Bashkia Shkodër.
Autoritetet u bëjnë thirrje qytetarëve të raportojnë çdo rast të dyshuar të shfrytëzimit të fëmijëve për lypje, duke theksuar se bashkëpunimi me komunitetin mbetet një element kyç për identifikimin dhe parandalimin e këtij fenomeni.
/vizionplus.tv
