Një konflikt i ndodhur mesditën e djeshme në ambientet e brendshme të Poliklinikës së Shkodrës përfundoi me plagosjen me thikë të një 32-vjeçari.
Sipas policisë, 32-vjeçari Vildan Kepëca u sulmua me mjet prerës nga 18-vjeçari Arvin Fregjaj gjatë një konflikti brenda ambienteve të poliklinikës. Pamjet e siguruara nga mediat tregojnë momentin e përplasjes, që nga nisja e konfliktit deri në çastin kur i dyshuari shfaqet duke mbajtur një mjet prerës, ndërsa i plagosuri bie në tokë pas goditjes.
View this post on Instagram
Pas ngjarjes, 32-vjeçari u transportua menjëherë në spital, ku po merr trajtim mjekësor nën kujdesin e bluzave të bardha.
Policia e Shkodrës ka arrestuar 18-vjeçarin Arvin Fregjaj, i dyshuar si autor i plagosjes, si dhe babanë e tij, Agron Mehmeti, i akuzuar për bashkëpunim në ngjarje.
Sipas hetimeve paraprake, dyshohet se babë e bir kanë goditur me mjet prerës shtetasin V. K. Autoritetet vijojnë punën për zbardhjen e plotë të rrethanave të konfliktit.
/vizionplus.tv
