Dy ndeshjet e muajit tetor mund të vendosin shumë për kombëtaren shqiptare nëse do të besoje akoma në endrrën ”Katar 2022”.
Kuqezinjtë u grumbulluan këtë të hënë në Durrës për të nisur përgatitjet në kuadër të duelit të parë ndaj Hungarisë në 9 tetor.
Në listën e lojtarëve të grumbulluar për këto dy sfida nuk kishte shumë ndryshime krahasuar me ndeshjet e kaluara ndonëse në konfencën për shtyp tekniku italian Edi Reja i dha përgjigje të gjitha pyetjeve për lojtarët e zgjedhur .
EDI REJA
TRAJNER I KOMBËTARES
” Dy ndeshje shumë të forta, për mua është e rëndësishme që Shqipëria po rritet, jemi skuadër kompetitive. Një humbje na largon nga ëndrra që kemi. Për në play off, është e detyrueshme që të marrim 2 rezultate pozitive në 2 ndeshjet e ardhshme. Janë 2 duele vendimtare, për të shpresuar deri në fund .
Reja e cilëson Poloninë si kundërshtarin direkt ndërsa fitorja është detyrim.
EDI REJA – TRAJNER I KOMBËTARES
” Me Poloninë duhet doemos të fitojmë, është rivali jonë direkt në grup . Nuk dua të bëj llogari pikësh, por mendoj se në rastin më të keq duhet të pakten të marim 3 pikë ndaj Polonisë ndërsa idealja për mua është 4 pikë. ”
Sa i takon cështjes Xhaka në kombëtare, tekniku italian tregoi se ka marrë vetëm refuzime nga lojtari .
EDI REJA – TRAJNER I KOMBËTARES
” Më vjen keq për xhakën për cilësitë që ka . Ai e ka refuzuar ftesën. Unë e kam ftuar disa herë qoftë dhe atëhere kur ka patur probleme fizike. Edhe vitin që kaloi kam folur me të, por gjithmonë më ka refuzar për mua është e kot të provojë përsëri. Nuk e di arsyen pse kjo situatë. ”
Duelin e parë kuqezizinjtë e kanë në Budapest me Hungarinë në 9 tetor ndërsa 3 ditë më vonë presin Poloninë në stadiumin kombëtar në Tiranë.
