Një plan i frikshëm i bërë gjatë zhvillimit të Kupës së Botës është duke u hetuar nga autoritetet amerikane dhe jo vetëm.
Mediat spanjolle kanë zbuluar detaje nga plani i zi, ku një organizatë kriminale kishte në plan të kryente disa sulme, ku objektiv ishin edhe yjet e futbollit si Messi dhe Ronaldo.
Raportohet se para ndeshjes mes Argjentinës dhe Jordanisë një person telefonoi në aeroportin e Dallasit dhe pretendoi se ai dhe dy persona të tjerë do të sulmonin stadiumin me bomba artizanale dhe armë zjarri. Sipas raportimeve, kërcënuesi përmendi në mënyrë të veçantë edhe Lionel Messin si objektiv.
Po ashtu edhe në sfidën mes Argjentinës dhe Egjiptit pati një tjetër kërcënim, pasi dikush pretendoi se do të hynte në stadium i veshur me eksploziv për të sulmuar Messin.
Edhe Cristiano Ronaldo u përfshi në një situatë shqetësuese sigurie. Një punonjës i FIFA-s ngriti alarmin pasi një person i dyshimtë kërkonte informacione për vendqëndrimin e yllit portugez gjatë turneut. Në një tjetër rast, një tifoz i dhunshëm arriti të hynte në hotelin ku qëndronte Ronaldo dhe tentoi t’i afrohej në ashensor, duke pretenduar më pas se dëshironte vetëm një foto me të.
Dosja përfshin gjithashtu mijëra kërcënime ndaj zyrtarëve të ndeshjeve.
