Partia Demorkatike ka tashmë Këshillin e ri Kombëtar, pas votimeve të zhvilluar të shtunën në Kuvendin e Jashtëzakonshëm.
Ajo që bie në sy është eleminimi i dy kritikëve të Lulzim Bashës.
Arben Ristani nuk do të jetë më pjesë e Këshillit Kombëtar, si dhe Edith Harxhi është lënë jashtë liste.
Bujar Nishani dhe Fatbardh Kadilli, nga ana tjetër, janë pjesë e Këshillit për shkak të funksioneve te tyre. Nishani si ish-president e Kadilli si anëtar i Kryesisë aktuale.
Në emrat e fituesve janë pjesa me e madhe e kandidatëve për deputetë që nuk arritën të merrnin mandatet, por jane rikonfirmuar dhe personazhe të njohur si Rajmonda Bulku, apo Robert Budina. Me ndryshimet e reja statutore, Këshilli tashmë ka më shumë anëtar, 450 të tillë.
Sipas rregullores, deri në fund të muajit, Këshilli duhet të mblidhet për të zgjedhur sekretar, nënkryetar dhe kryesinë e re.
