Operacionet për shuarjen e zjarreve kanë vijuar gjatë ditës në disa qarqe të vendit, me angazhimin e strukturave vendore dhe Forcave të Armatosura.
Agjencia për Media dhe Informim bën me dije se zjarret në Dajt dhe Priskë janë shuar plotësisht.
Në Çikallesh (Kavajë) dhe Mallakastër, vatrat janë izoluar dhe situata paraqitet nën kontroll. Edhe në zonën e Planit të Bardhë (Klos) situata është stabilizuar.
Ndërkohë, zjarret në Kostren 2 (Berat) dhe Uruç (Peqin) janë shuar, ndërsa në Alikomemaj (Memaliaj) forcat në terren vijojnë punën për neutralizimin e një vatre ende aktive.
Agjencia Kombëtare e Mbrojtjes Civile (AKMC) bën të ditur se monitorimi dhe koordinimi i operacioneve do të vazhdojnë deri në shuarjen e plotë të të gjitha vatrave të zjarrit.
