Anëtari i kryesisë së Partisë Demokratike, Grigels Muçollari, deklaroi se protestat e opozitës janë pjesë e një cikli të nisur që nga muaji janar dhe se ato vijnë si reagim ndaj asaj që ai e cilëson si një keqqeverisje ekstreme.
I ftuar në QUO VADIS, Muçollari theksoi se këto protesta kanë një element të ri, ftesën e Partisë Demokratike për bashkimin e të gjitha forcave opozitare.
Sipas tij, pavarësisht dallimeve në ide, programe apo qëndrime politike, opozita mund të bashkohet rreth kërkesave të përbashkëta, si dorëheqja e kryeministrit Edi Rama dhe krijimi i një qeverie teknike.
Pjesë nga biseda:
Muçollari: Është një cikël protestash, të filluara që nga janari. Është një moment që opozita duhet të reagonte. Jemi në kushtet e një keqqeverisjeje ekstreme.
Borakaj: U bënë disa protesta, do ndryshoni formë, apo jo?
Muçollari: Këto protesta kanë një ndryshim, ftesën e PD për bashkimin e opozitës. Të gjitha partitë opozitare kërkojnë dorëheqjen e Ramës, qeveri teknike. Ne mbase mund të mos bashkohemi në shumë ide të ndryshme, në programe, apo në këto kërkesa që janë të njëjta mund të bashkohemi. Një ndryshim është ky, për të bashkuar opozitën në këtë mision. Elementë të ri ka.
/vizionplus.tv
