Serbia nuk i ka plotësuar detyrimet e saj ndaj mekanizmit ndërkombëtar të Gjykatës Penale në Hagë.
Ky konstatim vjen nga drejtuesi i gjykatës speciale,i cili gjatë seancës në Këshillin e Sigurimit të Kombeve të Bashkuara në Nju Jork, i bëri thirrje beogradit që të bashkëpunojë plotësisht me institucionet teksa ka kërkuar arrestimin dhe ekstradimin e dy ish-deputetëve të Partisë Radikale.
Seanca e OKB u mbajt pas konfirmimit të vendimit kundër Ratko Mlladiç, i cili e dënoi atë me burgim të përjetshëm.
CARMEL AGIUS
DREJTUES I GJYKATES SPECIALE NË HAGË
“Vendimi përfundimtar kundër Mlladiç u dërgon një mesazh të fortë viktimave që autorët e krimeve të tmerrshme përfundimisht do të sillen para drejtësisë, pavarësisht nga pozicioni i tyre. Serbia ka detyrime të rëndësishme ndërkombëtare dhe rajonale, përfshirë ato që ajo ka në rrugën e pranimit në BE. Kjo është arsyeja pse ajo është e detyruar të bashkëpunojë me Mekanizmin në Hagë”
I menjehershëm ka qene reagimi i presidentit serb, i cili i është drejtuar përfaqësuesve te gjykates duke i kërkuar që të gjejjnë zgjidhjet e duhura, pa poshtëruar serbinë.
Aleksander Vucic
President i Serbisë
“Shumica e njerëzve që shërbejnë vendimet e tyre janë shtetas të Republikës së Serbisë dhe është e natyrshme që beogradi të interesohet që ata të vuajnë dënimin e tyre nëkëtu. Serbët u dënuan me një total prej 1,138 vjet, ndërsa kroatët, myslimanët boshnjakë dhe shqiptarët nuk u dënuan për ndonjë krim kundër serbëve, gjë që tregon se si është përshtatur drejtësia e Hagës”
Vuçiç vuri në dukje se vendi i tij është i gatshem të përmbushe të gjitha detyrimet e saj në lidhje me personat e zhdukur.
