Mbrëmjen e sotme është arrestuar nga forcat operacionale biznesmeni i shumëkërkaur nga SPAK, Ergys Agasi.
Gazetari i Vizion Plus, Esido Barkaj, ka mësuar se arrestimi i Agasit është bërë në afërsi të Plepave në Durrës, ndërsa ka qenë duke lëvizur me makinë.
Po ashtu në makinë me të dnodhej edhe Uljan Shpataraku, i shkarkuar pak kohë më parë nga radhët e Policisë së Shtetit, si dhe i shpalllur në kërkim, pasi kërcënoi me jetë pas një konflikti një person në jug të vendit.
Kujtojmë se më 6 gusht, Shpataraku ka qenë me pushime në një hotel në Dhërmi, por nuk i ka pëlqyer shërbimi dhe ka patur një konflikt verbal me kamarierin dhe administratorin.
Sipas dëshmisë së tyre, Shpataraku i ka kërcënuar me jetë.
Stafi i hotelit ka bërë kallëzim pranë Komisariatit të Himarës ku blutë shpallën në kërkim ish-zyrtarin e policisë.
