Gazetari i Vizion Plus, Esido Barkaj, ka siguruar foto nga momenti i arrestimit të biznesmenit Ergys Agasi.
Lexo edhe :
Agasi shihet në makinën e policisë me pranga në duar. Kujtojmë se arrestimi i tij u bë mbrëmjen e kësaj të mërkure në Plepa në Durrës, ku bashkë me të në makinë ndodhej edhe ish-efektivi Uljan Shpataraku, edhe ky i fundit i ndaluar nga policia, pasi ishte shpallur në kërkim prej 6 gushtit për kanosje.
Njoftimi:
Finalizohet operacioni policor i koduar “The Ëanted”
Drejtoria Vndore e Policisë Durrës dhe strukturat operacionale të Drejtorisë së Përgjithshme të Policisë së Shtetit, në bashkëpunim me Prokurorinë e Posaçme kundër Korrupsionit dhe Krimit të Organizuar (SPAK), finalizuan operacionin e koduar “The Ëanted”.
Si rezultat i operacionit, në Durrës u kap shtetasi E. A., i shpallur në kërkim nga SPAK-u.
Në kuadër të operacionit, u kap dhe u arrestua edhe shtetasi U. Sh., i cili udhëtonte në të njëjtin automjet me personin e kërkuar E. A.
Kujtojmë se Agasi ishte në kërkim prej dhjetorit 2025, kur SPAK lëshoi urdhër-arrest ndaj tij në kuadër të hetimeve për dosjen e Agjencisë Kombëtare të Shoqërisë së Informacionit (AKSHI).
Prokuroria e Posaçme e akuzon Agasin, së bashku me biznesmenin Ermal Beqiraj, për përfshirje në një grup të strukturuar kriminal të dyshuar për manipulimin e tenderave të AKSHI-t, ndërsa hetimet përfshijnë edhe pretendime për përdorim të dhunës dhe pengmarrje.
