Policia e Tiranës ka arrestuar katër persona, ndërsa një tjetër u procedua penalisht.
Në pranga përfunduan S. D., 21 vjeç. Sipas njoftimit të policisë, gjatë kontrollit të ushtruar ndaj mjetit me drejtues A. D. dhe pasagjer S. D., në xhepin e xhupit të këtij të fundit u gjet një sasi kokainë. Në vijim të veprimeve u procedua penalisht shtetasi A. D., për veprën penale “Moskallëzim i krimit”.
Po ashtu, është arrestuar këtë të hënë edhe K.Z., 23 vjeç, pasi në sheshin “Skënderbej”, gjatë kontrollit fizik iu gjet një sasi lëndë narkotike.
Policia ka vënë në pranga edhe A.K., 40 vjeç, sepse ka shkelur masën e sigurisë “Arrest në shtëpi” dhe ka goditur në rrugë shtetasin A. J.
Është kapur po ashtu edhe 36-vjeçari L. D., 36, pasi ishte shpallur në kërkim nga policia për veprën penale “Largimi i të burgosurit nga vendi i qëndrimit”.
