Deputeti i PD, Edmond Spaho ka qenë i ftuar sot në studion e lajmeve në “Vizion Plus” ku ka folur lidhur me incidentin e ndodhur në selinë e PD, ku u thye dera e sallës së konferencave.
Spaho përgenjeshtroi lajmet se personi që theu derën është një person me të shkuar kriminale.
“Lajmet për të shkuarën kriminale të atij personi janë shpifje e Lulzim Bashës dhe njerëzve që e rrethojnë. Dua t’ju kujtoj që sipas të gjitha ngjarjeve që janë zhvilluar këtë periudhë, ne jemi shumicë absolute. Kemi të drejtë të përdorim selinë e PD. Basha me një grup të vogël njerëzish, jo më kot i ka dal epiteti “brava”, ka ndërruar bravat e dyerve dhe ka zaptuar selitë e degëve të PD nëpër rrethe. Ne po ushtrojmë të drejtën tonë, vullnetin politik të shumicës që përbën PD për të realizuar atë program që na autorizoi Kuvendi i 11 dhjetorit”, u shpreh Spaho.
Më tej ai theksoi se shumica dëshiron të shohë një PD më të hapur, më të fortë, më të bashkuar në mënyrë që të luftojë Edi Ramën e ta rrëzojë nga pushteti.
“Është tjetër gjë vullenti, dëshira, ëndrra e zotit Basha dhe tjetër gjë vullenti politik i shumicës së anëtarësisë së PD. Shumica dëshiron të shohë një PD më të hapur, më të fortë, më të bashkuar në mënyrë që të luftojë Edi Ramën e ta rrëzojë nga pushteti. Deri më sot me Bashën kemi kaluar nga humbja në humbje. Ai nuk ndalon dot vullnetin Kuvendit të 11 dhjetorit”, tha Sppaho.
Më tej ai theksoi: Nuk besoj se ka shanse të mos miratohen ndryshimet në statut pasi gjithcka është e qepur në mënyrën më të mirë të mundshme. Nuk është çështje gjykatash, por çështje vullneti. Askush nuk ka dyshim që Berisha me këshillin e rithemelimit të PD, përbëjnë një shumicë absolute”
Deputeti demokrat tregoi se aksioni i radhës i grupit të Foltores së Berishës është fillimi i procesit të riorganizmit të partisë.
“Të fillojmë procesin e riorganizmit të partisë duke filluar që nga Basha. Do publikojmë një udhëzim për degët e PD nëpër rrethe”, tha Spaho.
