Është një ekspozitë krejtësisht e ndryshme nga ato që kemi parë nën nënshkrimin e Gazmend Lekës. Ai ka dalë jashtë studios së tij, që në publik shpesh e prezanton si të errët.
Është në studion e piktorit Anastas Kostandini, në natyrë, e këto piktura i pagëzon të gjitha nën titullin Taso.
Megjithatë kjo nuk është vetëm një ekspozitë për procesin e të krijuarit, por për artistin në përgjithësi, për fatin e tij në shoqëri, dhe për mungesën e mbështetjes nga institucionet shtetërore.
29 piktura ekspozohen nën kujdesin e kuratorit Ermir Hoxha në ambientet e galerisë së Universitetit të Arteve që nga pasditja e kësaj të marte.
